Шуъбаҳо ва бахшҳо


САИДМУРОДОВ ХУРСАНДМУРОД АБДУВАҲОБОВИЧ


Мудири котибот

Аз декабри соли 2015 дар вазифаи мудири Котиботи Робарияти Маҷлиси намояндагони Маҷлиси Олии Ҷумурии Тоҷикистон кор мекунад

Соли таваллуд: 05. 05. 1973

Ҷои таваллуд:  ноҳияи Рудакии Ҷумҳурии Тоҷикистон

Миллат: тоҷик

Маълумот: олӣ

Соли 1996 факултаи ҳуқуқшиносии Донишгоҳи миллии Тоҷикистонро хатм кардааст.

Ихтисос: ҳуқуқшинос

Забонҳои русӣ ва узбекӣ (озод), англисӣ ва немисиро медонад.

Оиладор, соҳиби 3 фарзанд.

СОБИҚА ВА ФАЪОЛИЯТИ КОРӢ

07.1990 – 07.1991 — коргари совхози «Чорбоғ» — и ноҳияи Варзоб;

09.1991 – 06.1996 — донишҷӯи факултаи ҳуқуқшиносии Донишгоҳи миллии Тоҷикистон;

09.1996 – 05.1998 — ёрдамчии прокурори ноҳияи Исмоили  Сомонии шаҳри Душанбе;

05.1998 – 03.2000 — ёрдамчӣ, ёрдамчии калони прокурори шаҳри Душанбе;

03.2000 – 10.2000 — прокурори Раёсати назорати қонунӣ будани қарорҳои судӣ оид ба парвандаҳои гражданӣ ва хоҷагии Прокуратураи генералии Ҷумҳурии Тоҷикистон;

10.2000 – 11.2004 — судяи Суди ноҳияи Синои шаҳри Душанбе;

01.2005 – 12.2007 — мушовири ҳуқуқии хоҷагии деҳқонии «Саидмурод» — и ноҳияи Варзоб;

12.2007 – 10.201 — мушовири калони Кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният;

10.2011 – 12.2013 — муовини мудири шуъбаи ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон;

12.2013 – 12.2015 — мушовири калони Раиси Маҷлиси намояндагони Маҷлиси Олии Ҷумҳурии Тоҷикистон;

12.2015 — то инҷониб — мудири Котиботи Роҳбарияти Маҷлиси намояндагони Маҷлиси Олии Ҷумҳурии Тоҷикистон.



НУРИДДИНЗОДА ХУШМУҲАММАД

Мудири шуъбаи робитаҳои байнипарлумонӣ ва протоколии Дастгоҳи Маҷлиси намояндагони Маҷлиси Олии Ҷумҳурии Тоҷикистон

аз моҳи декабри соли 2017 дар мансаби мудири шуъбаи робитаҳои байнипарламенти ва протоколии Дастгоҳи Маҷлиси намояндагони Маҷлиси Олии Ҷумҳурии  Тоҷикистон фаолият намуда истодааст

Соли таваллуд:   20 майи соли 1978

Ҷои таваллуд: ноҳияи Фархор

Миллат: тоҷик

Таҳсилот:  олӣ

Соли 2000 Донишгоҳи давлати тиҷоратии Тоҷикистон,

Соли 2003 Донишгоҳи Шарқи Миёназамин, давлати Кипр,

Соли 2007 Донишгоҳи Ҷон Муреси Ливерпули Британияи Кабир

Ихтисос:  менеҷери фаъолияти гумрукӣ, муносибатҳои байналхалқӣ,

Бонкдории байналхалқӣ

Забонҳои хориҷиро медонад:   русӣ, англисӣ, туркӣ,

Вазъи оилавӣ:  оиладор, соҳиби 5 фарзанд

Фаъолияти корӣ:

Солҳои 2003-2004 Ёвари координатори забонҳои хориҷии Институти Ҷамъияти кушода
Солҳои 2007-2008

 

 

Бонкири мудирияти муносибатҳои байналхалқии молиявӣ Ҷамъияти саҳомии кушодаи «Агроинвестбонк».
Солҳои 2008-2010 Менеҷери пешбари шуъбаи идоракунии хавфҳои бозорӣ ва амалиётӣ, Дирексияи идоракунии хавфҳо, ҶСК «Агроинвестбонк»
Солҳои 2010-2013 Намояндаи ҶСК «Агроинвестбонк» дар шаҳри Куала-Лумпур, Малайзия.
Аз 03-16.05 2013 Мутахассиси шуъбаи робитаҳои байнипарламентӣ ва протоколии Дастгоҳи Маҷлиси намояндагони Маҷлиси Олии Ҷумҳурии Тоҷикистон
Солҳои 2013-2015 Сармутахассиси шуъбаи робитаҳои байнипарламентӣ ва протоколии Дастгоҳи Маҷлиси намояндагони Маҷлиси Олии Ҷумҳурии Тоҷикистон
Солҳои 2015-2017 Муовини мудири шуъбаи робитаҳои байнипарламентӣ ва протоколии Дастгоҳи Маҷлиси намояндагони Маҷлиси Олии Ҷумҳурии Тоҷикистон
Аз 05.2017 — 12.2017 Мудири шуъбаи назорати Дастгоҳи Маҷлиси намояндагони Маҷлиси Олии Ҷумҳурии Тоҷикистон
Аз 12.2017 то ҳол Мудири шуъбаи робитаҳои байнипарламенти ва протоколии Дастгоҳи Маҷлиси намояндагони Маҷлиси Олии Ҷумҳурии Тоҷикистон



КОМИЛЗОДА АБДУҚОДИР ҶАЪФАР

Мудири шуъбаи ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон

18 апрели соли 1987 дар ноҳияи Данғараи вилояти Хатлон дар оилаи хизматчӣ таваллуд шудааст, миллаташ тоҷик, маълумоташ олӣ.

Соли 2009 Донишгоҳи миллии Тоҷикистонро бо ихтиссоси ҳуқуқшинос бо дипломи аъло хатм намудааст.

Фаъолияти меҳнатиашро ба ҳайси сармутахассиси шуъбаи ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон аз моҳи апрели соли 2010 оғоз намудааст.

Мавсуф солҳои 2011 ва 2012 ба фаъолияти омӯзгорӣ машғул буда, дар Академияи Вазорати корҳои дохилии Ҷумҳурии Тоҷикистон аз фанни ҳуқуқи ҷиноятӣ ба курсантони академия таълим додааст.

Аз соли 2011 то 2014 дар вазифаи мудири бахши шуъбаи ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон фаъолият намудааст.

Аз январи соли 2014 то 03.07.2017 дар вазифаи муовини мудири шуъбаи ҳуқуқи Дастгоҳи Маҷлиси намояндагони Маҷлиси Олии ҶумҳурииТоҷикистон фаъолият кардааст.

Дар вазифаи мудири шуъбаи ҳуқуқи Дастгоҳи Маҷлиси намояндагон аз 20.09.2017то инҷониб кору фаъолият дорад. Оиладор, соҳиби чор фарзанд мебошад.



САБУРОВ АБДУЛБАСИР АБДОЛИЕВИЧ

Мудири шуъбаи назорати Дастгоҳи Маҷлиси намояндагони Маҷлиси Олии Ҷумҳурии Тоҷикистон

Соли 1973 дар ноҳияи Қумсангир, шаҳраки Дӯстӣ, вилояти Хатлон таваллуд шудааст. Миллаташ тоҷик.

Соли 1997 Донишгоҳи омӯзгории шаҳри Душанберо бо ихтисоси муаллими забон ва адабиёти тоҷик хатм намудааст.

Фаъолияти меҳнатиашро дар соли 1999 ба ҳайси мутахассиси дараҷаи 1 шуъбаи кадрҳои Кумитаи давлатии заминсозии Ҷумҳурии Тоҷикистон оғоз намуда, ҳамчунин дар вазифаҳои сармутахассиси Котиботи назди роҳбарияти Маҷлиси намояндагони Маҷлиси Олии Ҷумҳурии Тоҷикистон, ёвари Раиси Маҷлиси намояндагони Маҷлиси Олии Ҷумҳурии Тоҷикистон кор кардааст.



ШАРИФЗОДА ТАЛАБШОҲ АКРАМ

Мудири шуъбаи муроҷиат ва қабули шаҳрвандони Маҷлиси намояндагони Маҷлиси Олии Ҷумҳурии Тоҷикистон

Шарифзода Талабшоҳ Акрам 24 июни соли 1965 дар шаҳраки Навободи ноҳияи Рашт таваллуд шудааст.

Хатмкунандаи мактаби миёнаи №8 шаҳраки Навободи ноҳияи Рашт. Маълумоташ олӣ, Донишкадаи давлатии тиббии Тоҷикистон,  факултаи ҳуқуқшиносии Донишгоҳи андоз ва ҳуқуқ,  Академияи хизмати давлатии назди Президенти Федератсияи Россияро хатм намудааст.

Дар вазифаҳои корманди беморхонаи ҷумҳуриявии бемориҳои рӯҳии ноҳияи Рӯдакӣ, корманд,  мудири шуъбаҳои 2-юм, 3-юм ва шуъбаи бемориҳои рӯҳию дарунии беморхонаи ҷумҳуриявии бемориҳои рӯҳии №3 –и ноҳияи Рашт, муовини Раиси Ташкилоти байналмилалии хайриявии «Мадад» (1999-2000), мушовири калони Кумита оид ба масъалаҳои иҷтимоӣ, оила, ҳифзи сиҳатӣ ва экологияи Маҷлиси намояндагони Маҷлиси Олии Ҷумҳурии Тоҷикистон (2000-2001),  Директори намояндагии Фонди байналмилалии тараққиёти соҳаҳои тандурустӣ ва маориф (2001-2003),  муаллими кафедраи равоншиносию равонпизишкии Донишгоҳи давлатии тиббии Тоҷикистон (2003-2006), мутахассиси пешбар, сармутахассиси шуъбаи шуѓл ва ҳифзи иҷтимоии аҳолӣ, нозири давлатии шуъбаи назорати Дастгоҳи иҷроияи Президенти Ҷумҳурии Тоҷикистон (2006-2013), мудири шуъбаи бемориҳои махсусгардонидашудаи беморхонаи ҷумҳуриявии клиникии бемориҳои рӯҳӣ (2013- 2014), муовини мудири шуъбаи муроҷиат ва қабули шаҳрвандони Маҷлиси намояндагони Маҷлиси Олии Ҷумҳурии Тоҷикистон (2014-2018) кор кардааст.

Аз 6-уми сентябри соли 2018 ба вазифаи мудири шуъбаи муроҷиат ва қабули шаҳрвандони Маҷлиси намояндагони Маҷлиси Олии Ҷумҳурии Тоҷикистон  таъин гардида, фаъолият дорад.

Оиладор, соҳиби панҷ фарзанд.


КАМОЛОВ ҶАЛОЛ АСАДОВИЧ

Мудири шуъбаи умумии Дастгоҳи Маҷлиси намояндагони Маҷлиси Олии Ҷумҳурии Тоҷикистон

23 ноябри соли 1959 дар шаҳри Панҷакент таваллуд шудааст. Баъд аз хатми факултаи забон ва адабиёти руси Донишгоҳи давлитии педагогии шаҳри Душанбе фаъолияти меҳнатиашро аз мактаби миёнаи №8, ноҳияи Панҷакент оғоз намуда, сипас аз соли 1986 то соли 1995 дар вазифаи котиби масъули комиссияи кор бо ноболиғони комиҷроия, мудири шӯъбаи умумӣ, идоракунандаи мудирияти корҳо, котиби комитети иҷроияи Шӯрои депутатҳои халқи шаҳри Панҷакент кор кардааст.

Соли 1995 ба вазифаи роҳбари дастгоҳи Раиси шаҳр таъин шуда, то соли 2005 дар вазифаҳои мудири шӯъбаи шаҳрии фонди ҳифзи иҷтимоии аҳолӣ, мудири шӯъбаи маорифи Ҳукумати шаҳри Панҷакент адои вазифа намудааст.

Соли 2005 Вакили Маҷлиси намояндагони Маҷлиси Олии Ҷумҳурии Тоҷикистон аз ҳавзи интихоботии Панҷакент №21 интихоб шудааст.

Соли 2011 ба вазифаи мушовири калони Комиссияи муваққатии экологии Маҷлиси намояндагони Маҷлиси Олии Ҷумҳурии Тоҷикистон таъин шуда, аз моҳи июли соли 2012 дар вазифаи мудири шӯъбаи умумии Дастгоҳи Маҷлиси намояндагони Маҷлиси Олии Ҷумҳурии Тоҷикистон фаъолият намуда истодааст.

Оиладор, сохиби се фарзанд аст.


СУЛТОНОВ МУҲАМАДАТО ИСОЕВИЧ

Мудири шуъбаи матбуоти Дастгоҳи Маҷлиси намояндагони Маҷлиси Олии Ҷумҳурии Тоҷикистон

28 декабри соли 1961 дар ноҳияи Бохтари вилояти Хатлон таваллуд шудааст. Миллаташ тоҷик. Соли 1989 Донишгоҳи давлатии ба номи М. Ломоносови шаҳри Маскавро бо ихтисоси рӯзноманигори байналмилалӣ хатм намудааст.

Фаъолияти кориашро баъд аз хатми Донишгоҳ ба ҳайси мухбири шуъбаи ҷамъиятии хабаргузории «Ховар» — и назди Ҳукумати Ҷумҳурии Тоҷикистон оғоз намудааст.

Аз соли 1990 то соли 2000 мудири шуъбаи ҷамъиятӣ — сиёсии Маркази Иттилоотии «Ховар» дар назди Ҳукумати Ҷумҳурии Тоҷикистон фаъолият намудааст.

Аз соли 2000 дар вазифаи роҳбари маркази матбуот ва аз соли 2010 мудири шуъбаи матбуоти Маҷлиси намояндагони Маҷлиси Олии Ҷумҳурии Тоҷикистон мебошад.

Маҳорати касбиашро дар хабаргузориҳои «Рейтер» — и Англия, «Итар — Тасс» ва «РИА Новости» — и Федератсияи Русия сайқал додааст.

Аълочии матбуоти Ҷумҳурии Тоҷикистон ва аълочии фарҳанги Ҷумҳурии Тоҷикистон мебошад.

Тибки фармони Президенти Ҷумҳурии Тоҷикистон Дар бораи ба хизматчиёни давлатӣ додани рутбаҳои тахассусӣ «Мушовири давлатии дараҷаи 1» мебошад.

Бо «Ифтихорномаи фахрии» Ассамблеяи Байнипорлумонии Иттиҳоди Давлатҳои Мустақил ва Ифтихорномаи Маҷлиси намояндагони Маҷлиси Олии Ҷумҳурии Тоҷикистон сарфароз гардонида шудааст.

Оиладор, сохиби 4 фарзанд мебошад.


ҶУРАЕВ ШУҲРАТ САЙФУЛЛОЕВИЧ

Мудири шуъбаи иттилооти техникӣ Дастгоҳи Маҷлиси намояндагони Маҷлиси Олии
Ҷумҳурии Тоҷикистон

Ҷураев Шуҳрат 22 марти соли 1984 дар шаҳри Душанбе таваллуд шудааст. Маълумоти миёнаро дар литсей — интернати Президентии шаҳри Душанбе гирифтааст. Соли 2000 онро бо муваффақият хатм намуда, соли 2001 ба Донишгоҳи давлатии миллии Тоҷикистон ба факултаи иқтисод ва молия дохил шуда, онро соли 2007 бо ихтисоси муҳандис – иқтисодчӣ хатм намудааст.

Фаъолияти меҳнатӣ:

Соли 2002 дар дастгоҳи Маҷлиси намояндагони Маҷлиси Олии Ҷумҳурии Тоҷикистон ба симати сармутахассиси шуъбаи компютерӣ ва чоп оғоз кардааст. Аз моҳи марти соли 2003 муовини мудири шуъбаи компютерӣ ва чопи дастгоҳи Маҷлиси намояндагон, соли 2015 мудири шуъбаи компютерӣ ва чопи дастгоҳи ин мақоми олии қонунбарор таъин шудааст.

Мукофотҳои давлатӣ ва соҳавӣ надорад.

Оиладор, соҳиби 3 фарзанд мебошад.


ОРИФОВА ДИЛОРОМ ШАРOФОВНА

Мудир - сармуҳосиби шуъбаи молиявии Дастгоҳи Маҷлиси намояндагони Маҷлиси Олии Ҷумҳурии Тоҷикистон

9 майи соли 1966 дар шаҳри Истаравшани вилояти Суғд таваллуд шудааст. Миллаташ тоҷик.

Соли 1988 Донишгоҳи кишоварзии Тоҷикистонро бо ихтисоси иқтисодчии хоҷагии қишлоқ хатм кардааст.

Фаъолияти кориашро баъди хатми Донишгоҳ дар вазифаҳои гуногун, аз ҷумла лабаранти калони лабараторияи истеҳсолии устувори хоҷагии қишлоқи Пажӯҳишгоҳи илмӣ-иқтисодии истеҳсолии хоҷагии қишлоқи Вазорати кишоварзии Ҷумҳурии Тоҷикистон, инспектори Идораи хоҷагии Дастгоҳи иҷроияи Президенти Ҷумҳурии Тоҷикистон, супорандаи маҳсулоти тайёрӣ сехи бисквитӣ, муҳандис — технологи шӯъбаи банақшагирии фабрикаи «Ширин» — и шаҳри Душанбе, мутахассиси дараҷаи 1 Раёсати ҳисоб ва компютерии Вазорати молияи Ҷумҳурии Тоҷикистон, мутахассиси дараҷаи 1 шуъбаи молияи Ҳукумати шаҳри Чкаловски вилояти Суғд, ҳисобчии мактаби олии такмили ихтисоси кадрҳои комплекси агросаноатии Вазорати кишоварзии Ҷумҳурии Тоҷикистон, мутахассиси пешбари ҳисобдори марказии Дастгоҳи иҷроияи Президенти Ҷумҳурии Тоҷикистон, сармутахассиси ҳисобдори марказии Дастгоҳи иҷроияи Президенти Ҷумҳурии Тоҷикистон, муовини сардори Идора — муовини сармуҳосиби ҳисобдори марказии Дастгоҳи иҷроияи Президенти Ҷумҳурии Тоҷикистон кор кардааст.

Бо Ифтихорномаи Дастгоҳи иҷроияи Президенти Ҷумҳурии Тоҷикистон сарфароз гардонида шудааст.

Аз 27 августи соли 2012 Мудир — сармуҳосиби шуъбаи молиявии Дастгоҳи Маҷлиси намояндагони Маҷлиси Олии Ҷумҳурии Тоҷикистон мебошад.

Оиладор, соҳиби 3 фарзанд аст.


АБДУРАҲИМОВ КАМОЛ ҚУРБОНАЛИЕВИЧ

Мудирии Шуъбаи тарҷума, таҳрир ва нашри Дастгоҳи Маҷлиси намояндагони Маҷлиси Олии Ҷумҳурии Тоҷикистон

1-уми апрели соли 1963 дар ноҳияи Фархор зода шудааст.

Таҳсилотимиёнаро дар мактаби №2-и зодгоҳ ва таҳсилоти олиро дар факултаи журналистикаи Донишгоҳи давлатии Ленинград (Санкт-Петербург) фаро гирифта аст.

Корро соли 1986 дар рӯзномаи «Пионери Тоҷикистон» оғознамуда, баъдан дар нашрияҳои «Комсомоли Тоҷикистон», «Садоимардум», «Ҷумҳурият» ва чанде дигар фаъолият бурдааст. Ҳашт сол (01.02.2005 – 30.10.2012) сармуҳаррири рӯзномаи «Ҷумҳурият» — Нашрияи расмии Ҷумҳурии Тоҷикистон будааст.

Ҳамчунин ба ҳайси муҳаррири коршиноси Вазорати матбуоти Ҷумҳурии Тоҷикистон, сармутахассиси Шуъбаи рушди иҷтимоиву фарҳангии Девони вазирони Ҷумҳурии Тоҷикистон ва мушовири калони Котиботи Президенти Ҷумҳурии Тоҷикистон ифои вазифа намудааст.

Аз соли 2014 дар Дастгоҳи Маҷлиси намояндагони Маҷлиси Олии Ҷумҳурии Тоҷикистон кор мекунад. Аз соли 2017 мудирии Шуъбаи тарҷума, таҳрир ва нашри Дастгоҳро ба уҳда дорад.

Заҳматҳояш бо медалҳои «Хизмати шоиста» (соли 2005), «20-солагии Истиқлолияти давлатии Ҷумҳурии Тоҷикистон» (соли 2011) ва нишону унвонҳои сершумори соҳавӣ қадр шудаанд.

Оиладор ва соҳиби се фарзанд мебошад.

 

Илова кунед