• РАҲМОНЗОДА ЗОИР ФАЙЗАЛӢ Муроҷиат кардан

    1 марти соли 2020 вакили

    Маҷлиси намояндагони Маҷлиси Олии

    Ҷумҳурии Тоҷикистон интихоб шудааст.

Раҳмонзода Зоир Файзалӣ 8-уми январи соли 1981 дар деҳаи Муҳоҷирободи ноҳияи Фархори вилояти Хатлон дар оилаи деҳқон ба дунё омадааст. Миллаташ тоҷик. Соли 1987 ба синфи якуми мактаби миёнаи №29 ба номи М. Горкии деҳаи Муҳоҷирободи ноҳияи Фархор рафта, соли 1998 мактаби таҳсилоти миёнаи умумиро хатм намудааст.
Пас аз хатми мактаби миёна соли 1998 ба Факултети соҳибкорӣ ва менеҷменти Донишкадаи сохибкорӣ ва хизмат (ДСХ) дохил шуда, соли 2003 Донишкадаи соҳибкорӣ ва хизматро аз рӯи ихтисоси иқтисодчӣ-информатик хатм намудааст. Баъд аз бомуваффақият хатм намудани Донишкадаи соҳибкорӣ ва хизмат дар вазифаҳои зерин адои вазифа намудааст.

оид ба фаъолияти меҳнатӣ:

 

Моҳ ва сол

Вазифа ва номи пурраи ҷои кор

Маҳали ҷайгиршавӣ

Дохилшудан

Хориҷ шудан

2003

2004

Устод – коромӯзи Кафедраи риёзиёти олӣ ва информатикаи Донишкадаи соҳибкорӣ ва хизмат

 ш. Душанбе

2004

2005

Ассистенти Кафедраи риёзиёти олӣ ва информатикаи ДСХ

ш. Душанбе

2006

2007

Муҳандис – барномасози компютерҳои ДСХ

ш. Душанбе

2006

2011

Омӯзгори калони Кафедраи тарҳрезӣ ва технологияҳои иттилоотии ДСХ

ш. Душанбе

2008

2012

Директори Маркази иттлоотӣ – иртиботии ДСХ

ш. Душанбе

02.05.2012

15.10.2012

Декани Факултети соҳибкорӣ ва бизнеси ДСХ

ш. Душанбе

15.10.2012

02.07.2013

Мудир ва дотсенти Кафедраи низоми иттилоотӣ дар иқтисодиёти ДСХ

ш. Душанбе

03.07.2013

13.02.2017

Директори Коллеҷи омори шаҳри Ваҳдат

ш. Ваҳдат

01.03.2015

01.03.2020

Вакили Маҷлиси вакилони халқии ноҳияи Фирдавсии шаҳри Душанбе

ш. Душанбе

13.02.2017

07.04.2020

Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе

ш. Душанбе

01.03.2020

то ҳол

Вакили Маҷлиси намояндагони Маҷлиси Олии Ҷумҳурии Тоҷикистон

ш. Душанбе



Муаллифи як монграфияи илмӣ, 10 китоби дарсӣ ва зиёда аз 120 мақолаҳои илмию-тадқиқотӣ буда, корҳои методию-амалиашро дар мавзӯҳои тадбиқи технологияҳои иттилоотӣ дар соҳаи маориф ва илми ҶТ аз чоп баровардааст.

Соли 2005 курси такмили ихтисосро бо забони англисӣ дар Ҷумҳурии Ҳиндустон (45 рӯз), дар ассоси шартномаи ду кишвар оиди ҳамкорӣ дар соҳаи маориф, гузаштааст.

Соли 2009 богурӯҳи кории Донишкадаи соҳибкорӣ ва хизмат, дар конфронси илмӣ-амалӣ дар мавзӯи «Моликияти зеҳнӣ» дар шаҳри Занҷони Ҷумҳурии исломии Эрон иштирок намуда, сазовори дипломи дараҷаи 1 гаштааст.

Аз соли 2012 ҳамчун аъзо дар Лоиҳаи Темпус-Ҳайка, ки курси такмили ихтисос бо забони англисӣ дар Ҷумҳурии Узбекистон (18 рӯз) шуда гузашт, ширкат варзидааст. Инчунин бо сафарҳои расмӣ дар симпозиумҳо ва конференсияҳои байналмилалӣ дар Федератсияи Руссия, Ҷумҳуриҳои Туркия, Беларусия, Армения, Озарбойҷон, Давлатҳои Араб ва Ҷумҳурии мардумии Чин, ширкат варзидааст.

Рисолаи номзадиашро моҳи октябри соли 2011 дар мавзӯи «Ҷиҳатҳои иҷтимоӣ-иқтисодии тадбиқи технологияҳои иттилоотӣ дар соҳаи таҳсилоти олии касбӣ дар Ҷумҳурии Тоҷикистон» ҳимоя намуда, соҳиби дипломи номзади илмҳои иқтисодӣ гардидааст. Барои фаъолияти пурсамар дар соҳаи илм ва таълифу чопи корҳои илмӣ методӣ ва илмӣ - тадқиқотӣ соли 2019 соҳиби унвони илмии дотсент гаштааст.

мукофотҳои давлатӣ ва ифтихорномаҳо

Ӯ барои фаъолияти пурсамар дар ҷодаи илм ва таълиму тарбияи насли наврас ва барои иштироки фаъолона дар озмӯни олимони ҷавон, ихтирокори беҳтарин, бахшида ба 20 солагии иҷлосияи 16 – уми Шӯрои Олии ҶТ бо Ифтихорномаи ВМҶТ соли 2012, бо ҷоизаи ба номи Исмоили Сомонӣ барои олимони ҷавон дар соҳаи илм ва техника дар соли 2013, аълочии Маориф ва илми ҶТ дар соли 2014, аълочии Фарҳанги ҶТ дар соли 2017, бо Сипосномаи раиси шаҳри Ваҳдат ба муносибати 24 – солагии Истиқлолияти давлатии Ҷумҳурии Тоҷикистон дар соли 2015, бо Ифтихорномаи раиси шаҳри Ваҳдат ба муносибати 25 – солагии Истиқлолияти давлатии Ҷумҳурии Тоҷикистон дар соли 2016, Ифтихорномаи иттифоқи касабаи маориф ва илми Ҷумҳурии Тоҷикистон бахшида ба рӯзи омӯзгор дар соли 2016, бо Дипломи Бахши ҷавонон, варзиш ва сайёҳии ш. Ваҳдат бахшида ба 24 – солагии таъсисёбии Қувваҳои мусалаҳи ҶТ дар соли 2017, бо Сипосномаи Вазорати маориф ва илми ҶТ дар соли 2017, бо Сипосномаи Кумитаи марказии Ҳизби Халқии Демократии Тоҷикистон дар соли 2017, бо Ифтихорномаи Иттифоқи ҷавонони Тоҷикистон дар соли 2018 ва бо Медали Ҷашнии 10 солагии Қувваҳои Мусаллаҳи Ҷумҳурии Тоҷикистон дар соли 2018, сарфароз гаштааст.

Оиладор буда, соҳиби 4 фарзанд мебошад.