Тақдими маводи назофатӣ

05 Август 2020, Чоршанбе

Дар доираи ҳамкориҳои мутақобилан судманди Маҷлиси намояндагони Маҷлиси Олии Ҷумҳурии Тоҷикистон бо созмону ташкилотҳои байналмилалию байнипарлумонӣ, имрўз аз ҷониби дафтари душанбегии Созмони амният ва ҳамкорӣ дар Аврупо ба Маҷлиси намояндагон маводи назофатӣ – антисептикӣ тақдим карда шуд.
Тавре мушовири калони Кумита оид ба корҳои байналмилалӣ, иттиҳодияҳои ҷамъиятӣ ва иттилооти Маҷлиси намояндагон Оқилзода Наҷибулло хабар медиҳад «тақдими маводи зиддивирусӣ асосан дар доираи ҳамкориҳои дуҷониба сурат гирифта, давоми ҳуснитафоҳумоҳои тарафайн мебошанд».
Маводи тақдимшуда иборат аз ҳароратсанҷҳои фосилавӣ, ниқобҳои тиббӣ, маводи шустушўӣ, маҳлулҳои спиртӣ, дастмолҳои назофатӣ ва дигар маводи зиддивирусӣ мебошанд, ки аз ҷониби ниҳоди масъули Маҷлиси намояндагон барои пурзур намудани муқовимат бо вируси сироятии КОВИД-19 равона карда мешаванд.

Илова кунед