Сарвиноз Маҷидзода ва Солеҳа Холмаҳмадзода дар кори конфересияи минтақавии онлайнӣ дар мавзӯи «Рушди устувор ва роҳбарии занон дар Осиёи Марказӣ» иштирок намуданд.

29 Октябр 2021, Ҷумъа

Имрӯз дар якҷоягӣ бо Барномаи Рушди СММ ва Созмони Милали Муттаҳид — Занон дар доираи Барномаи амали  Муколамаи занони пешвои Осиёи Марказӣ барои соли 2021 дар мавзӯи «Рушди устувор ва роҳбарии занон дар Осиёи Марказӣ» конференсияи минтақавӣ баргузор гардид.
Конференсия бо иштироки аъзои муколама, роҳбарони вазорату идораҳои кишварҳои Осиёи Марказӣ, вакилони ҷавони Парлумон, намояндагони ҷомеаи шаҳрвандӣ ва академияҳо баргузор шуд.
Аз ҷониби Тоҷикистон дар ин конференсияи бонуфуз Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, вакилони ҷавони Маҷлиси намояндагони Маҷлиси Олии Ҷумҳурии Тоҷикистон Сарвиноз Маҷидзода, Солеҳа Холмаҳмадзода, ходимони ҷавони Академияи миллии илмҳо, намояндаи Кумитаи ҳолатҳои фавқулода ва мудофиаи гражданӣ  ва коршиносони миллӣ иштирок ва суханронӣ намуданд.
Кори конференсия ба таври маҷозӣ сурат гирифта, дар он дастовардҳо ва мушкилот дар татбиқи Ҳадафҳои Рушди Устувор дар кишварҳои Осиёи Марказӣ ва қабули Нақшаи амалиёти минтақавӣ оид ба Ҳадафҳои рушди устувор, таҳкими ҳамкории занони пешво ва созмонҳои занон дар Осиёи Марказӣ мавриди баррасӣ қарор дода шуд.

Илова кунед